ماں اور بچے سے زیادتی کرنے والے 5 ملزمان گرفتار

روڑکی۔ پولیس نے ماں اور بچے سے اجتماعی زیادتی کرنے والے 5 ملزمان کو گرفتار کرلیا۔ دو ملزمان کا تعلق مظفر نگر، دو سہارنپور اور ایک ضلع ہریدوار سے ہے۔ ملزمین میں سے ایک سہارنپور علاقے میں کسان یونین کا عہدیدار ہے۔ پولیس نے چھ دن کے اندر معاملے کا انکشاف کرتے ہوئے تمام ملزمان کو سلاخوں کے پیچھے ڈال دیا ہے۔
ڈی آئی جی، ایس ایس پی ڈاکٹر یوگیندر سنگھ راوت نے بتایا کہ 24 جون کو ایک خاتون اپنی چھ سالہ بچی کے ساتھ کالیار سے روڑکی آئی تھی۔ راستے میں مہک سنگھ عرف سونو ساکن گاؤں املی کھیڑا تھانہ کلیار نے اپنی بائک پر ماں اور بچی کو لفٹ دی تھی۔ راستے میں مہک سنگھ نے بائک روک کر ایک ویران جگہ پر خاتون کی عصمت دری کی۔ پولیس نے ملزم مہک سنگھ کو گرفتار کرلیا۔ پولیس پوچھ گچھ کے دوران ملزم مہک سنگھ نے بتایا کہ وہاں ایک سفید رنگ کی آلٹو کار آئی۔ اس میں ایک تنظیم کا جھنڈا تھا۔ گاڑی میں چار لوگ بیٹھے تھے۔ انہوں نے خاتون اور بچے کو زبردستی گاڑی میں بٹھایا۔ کور کالج سے منگلور لے جاتے ہوئے اس نے کھیت میں خاتون کی عصمت دری کی۔ کار میں لڑکی کی عصمت دری کی گئی۔ لڑکی کی چیخ و پکار سن کر متاثرہ کسی طرح وہاں پہنچی تو ایک ملزم لڑکی کا منہ دبا رہا تھا۔ اس کے بعد کار میں سوار افراد وہاں سے فرار ہوگئے۔ تفتیش کے دوران پتہ چلا کہ یہ کار راجیو عرف وکی تومر ولد برہم پال ساکن گاؤں بیلڈا تھانہ بھوپا مظفر نگر کی تھی۔ پولیس نے مخبر اور سی سی ٹی وی کیمروں کی مدد سے کار برآمد کر کے ملزم وکی تومر کو گرفتار کر لیا۔